Konaba Fundu Mina-rai

Konaba Fundu Mina-rai

teste carvalho@goweb.pt https://www.bancocentral.tl/uploads/seo/big_1436805856_8449_button_accept.png
Menu Side Left > Fundu Mina-rai > Konaba Fundu Mina-rai
Konstituisaun RDTL fo hanoin katak rekursu sira tenki uza ho maneira justa no ekitavel tuir interese no kondisaun nasionál sira, no no mós ba explorasaun rekursus naturais atu serve ba estabelesimentu rezerva finanseira mandatória sira. Nune'e, Fundu Petrolíferu Timor-Leste nian forma husi akta Lei Fundu Petrolíferu Numeru 9/2005 promulga iha Agostu 2005. Intensaun husi lei ne'e katak Fundu Petrolíferu tenki kontribui ba jestaun justa ba rekursus petrolíferus ba benefísiu jerasaun orasne'e no aban bainrua nian. Fundu Petrolíferu mak meiu ida ne'ebé kontribui ba asuntu polítika fiskal nian, ne'ebé ninia konsidera hanesan apropriada no pezu ne'e ba interese tempu naruk povu Timor nian. Fundu Petrolíferu ne'e koerentemente integra ba Orsamentu Estadu no fo reprezentasaun di'ak ida ba dezenvolvimentu finansas públika nian. Fundu Petrolíferu ne'e tenki jere ho laran móos no ho maneira aberta no transparente, tuir ninia enkuadramentu konstitusionál no legál.

Reseita Fundu Mina-rai sira

Reseita sira husi Fundu Petrolíferu inklui reseita sira husi explorasaun no exekusaun petroliu no atividade sira hanesan ne'e. Se la posivel ba governu atu halo jestaun investimentu di'ak se fundus ne'e uluknana'in la rai iha banku. Nune'e Banku Sentrál halo konta Bankária espesiál iha Banku Federál Reserve Bank of New York atu simu reseita petrolifera hotuhotu no reseita petrolifera siraseluk. Tuir lei, obrigasaun sira ba estadu (konaba direitu,taxa sira) sei la bele hala'o, so bele deit kuandu pagamentu ne'e depozita iha konta Bankária ida ne'e.

Prosesu operasaun projetu sira no rekollimentu reseita ne'e hatudu iha Grafiku 1, ne'ebé Autoridade Nasionál Petroliu no Minerál (ANPM) no Ministeriu Petróliu mak iha responsabilidade atu superviziona no regula operasaun projetu husi kompania petroliu internasionál sira. ANPM no Servisu Reseita Timor-Leste asegura katak pagamentu direitu no taxa sira ne'e loloos no pontual ba konta Fundu Petrolíferu nian iha Federál Reserve Bank of New York. 

Grafiku 1: Enkuadramentu Rekollimentu Reseit





Objetivu Investimentu, ESI & transferénsia sira


Objetivu Investimentu husi Fundu Petrolíferu nian ne'e mak atu investe Fundu Petrolíferu nia rekursu sira nune'e ho probabilidade razoavel ida ba longu-prazu Fundu ne'e sei bele fornese transferénsia osan ba governu ho nivel sustentavel ida (Estimated Sustainable Income/ESI) enkuantu mantén valór longu-prazu real husi rekursus ne'e. Implikasaun objetivu investimentu ne'e mak atu atinje 3% ganu/retornu real. Ida ne'e aliña polítika investimentu nian ho polítika fiskalizasaun nian, ne'ebé reflete iha regra ESI.

Atu kontrola exesu gastu ba iha ekonomia ki'ik, 3% husi Estimativa Rendimentu Sustentavel (ESI) ne'e sasukat ida ba levantamentu sustentavel longu prazu nian. Fundu Petrolíferu iha deit objetivu finanseiru sira, enkuantu dezenvolvimentu ekonómiku ne'e Orsamentu Estadu nian mak tau-matan. transferénsia sira husi Fundu Petrolíferu ba orsamentu estadu tenki loloos husi parte parlamentu sira no transferénsia osan iha kualker tinan ida nia laran la bele liu fali ESI.

Maski nune'e governu bele transfere ho valór liu husi ESI, nu'udar sujeitu ba salvaguarda adisionál sira. transferénsia osan husi Fundu Petrolíferu permite deit ba kréditu ba Konta Orsasmentu Estadu nian no atu selu taxa jestaun nian ba Banku Sentrál. Reembolsu ba taxa pagamentu liu prazu ne'e permite exepsionálmente. Enkuadramentu transferénsia ne'e hatudu iha Grafiku 2 & 3. 

Grafiku 2: Enkuadramentu ESI



Grafiku 3: Enkuadramentu transferénsia osan




Enkuadramentu Governasaun

Jestaun Fundu ne'e liu husi prosesu halo desizaun husi entidade-relevante oioin atu hametin jestaun móos ho verifikasaun no balansu sira. Lei ne'e hari estrutura ne'ebé hatudu iha Grafiku 4.

Grafiku 4: Enkuadramentu Governasaun




Hanesan bele hare iha enkuadramentu nia laran autoridade ultima mak Parlamentu, ne'ebé determina estrutura governu no define stratejia alokasaun rekursu iha legislasaun fundu petrolíferu nian. Governu, reprezenta husi Ministeriu Finansa, mak responsavel ba jestaun no stratejia investimentu hotuhotu husi Fundu Petrolíferu ne'e. Banku Sentrál Timor-Leste (BCTL) mak jestór operasionál ne'ebé nu'udar responsavel ba jestaun operasionál husi Fundu Petrolíferu hodi implementa polítika investimentu ne'ebé determina ona husi Ministeriu Finansas. Nune'e, Banku Sentrál hametin katak jestaun Fundu Petroleu ne'e la'o tuir enkuadramentu legál. 

Konsellu Konsultativu fo konsellu no observa parlementu iha asuntu relasaun ho Fundu Petrolíferu. Orgaun Asesoria Investimentu nian iha responsabilidade atu dezenvolve dezempenu konselleiru/asesor sira ba Ministeriu Finansas no fo konsellu ba Ministru konaba polítika investimentu no jestaun Fundus ne'e.
Enkuadramentu Governasaun fo divizaun klaru ida konaba knar atu asegura governasaun di'ak, envolvimentu entidade-relevante, ba jestaun móos no transparente husi Fundus ne'e ba benefísiu jerasaun orasne'e no aban bainrua nian. Estrutura governasaun ne'e hari atu prevene kualker entidade-relevante ida atu kontrola mesamesak prosesu halo desizaun no jestaun. 

Investmentu sira

Lei haruka Banku Sentrál atu toma responsabilidade hodi hala'o jestaun operasionál husi Fundus ne'e ho akordu jestaun formal ida ho Ministeriu Finansas. Akordu Jestaun entre BPA (predesesor Banku Centreal Timor-Leste) no Ministreriu Finansas ne'e asina iha 2005, ho atualizasaun subsekuente balu.  Atu kualifika nu'udar investimentu elijivel, investimentu ida tenki emite ka koloka ba raili'ur iha ambitu juridisaun ne'ebé hetan rekonesimentu internasionál. Investimentu mundial inisiál ne'ebé haktuir iha lei mak juru fixu ho kualidade aas 90% iha USD ba tinan 5 dahuluk husi 2005-2010. Iha provizaun ida atu investe to'o 10% atu likuida instrumentu komersiál sira iha merkadu sira ne'ebé regula ho di'ak. 

Banku Sentrál hahu operasaun Fundu Petrolíferu sira iha Agostu 2005 hafoin loke ho balansu millaun $205 ne'ebé Governu transfere. To'o Junu 2009, Fundu tomak ne'e jere internálmente husi Banku Sentrál tuir mandatu pasivu husi US Treasury. Iha Junu 2009, diversifikasaun primeira husi Fundu ne'e liuhusi hili Banku ba Kontratu Internasionál (Bank for International Settlements (BIS) nu'udar jestór externál primeira hodi jere 20% husi Fundu ne'e ho lasu soberania internasionál nian, no montante alokasaun hatun ba 10% husi Valór Fundu. Ida ne'e permite diversifikasaun ba ekuidade merkadu globál dezenvolvida ida ho mandatu husi Otubru 2010, ho Schroder Investment Management Limited nu'udar jestór ekuidade primeiru husi Fundus ne'e. Mandatu ida ne'e hahu ho 4% (orasne'e 5%) husi Fundus. 

Ida ne'e fo diversifikasaun liu tan tamba lei Fundu Petrolíferu permite ba tinan lima primeira husi existensia Fundus ne'e. Nune'e, lei ne'e amenda tiha ba lei numeru 12/2011 iha Setembru 2011. Lei emenda ne'e presiza katak la bele menus husi 50% husi Fundu ne'e mak investe ba iha instrumentu juru fixu, to'o 50% bele investe iha lista ekuidade sira no to'o 5% bele investe iha investimentu elijivel sira seluk. Tuir fali amandementu ne'e, expozisaun ba ekuidade ne'e aumenta gradualmente iha periodu fulan 18 resin, ho total expozisaun 40% ba ekuidade sira atu atinje iha Junu 2014. Nu'udar parte ida husi diversifikasaun, hili jestór fundu ekuidade externál balu atu jere mandatu sira ne'ebé aprova ona. Diversifikasaun ba oin iha Lasu Soberania Merkadu Globál Dezenvolvida iha Estadus Unidas hala'o hodi hili jestór lasu soberania globál na'in rua.

Detalle sira konaba mandatu no asesor sira ne'e hatudu iha tabela iha kraik no mos iha Relatóriu Trimestrál públika iha website ida ne'e.

Mandatu Jestaun Modelu Jestor Autorizadu Medida Mandatu Erru Alistamentu Fora Alvu Dezempenu Data Komesa
BOA Merrill Lynch 3-5 Years  US Treasury Bond Index, BOA Merrill Lynch 5-10 Years US Treasury Notes & Bond Index Passive BCTL 40.00% n/a Nil 19-Jan-12
BOA Merrill Lynch 5-10 Years  US Treasury Bond Index, BOA Merrill Lynch 5-10 Years US Treasury Notes & Bond Index Enhanced Passive Banku ba Kontratu Internasionál 10.00% 0.50% 0.25% 15-Dec-11
Barclays Globál Treasury Developed Market ex US, 30% Eurozone no 10% Country Cappe Enhanced Passive Wellington Management 5.00% 0.50% Nill 4-Dec-14
Barclays Global Treasury Developed Market ex US, 30% Eurozone and 10% Country Capped Enhanced Passive Alliance Bernstein 5.00% 0.50% Nill 3-Jul- 14
Total Juru Fixu (Total Fixed Interest) 60.00%  
MSCI World Index Dividents Reinvested Passive State Street Globál Advisor 17.00% 0.35% Nill 18-Jan-12
MSCI World Index Dividents Reinvested Passive Black Rock 17.00% 0.35% Nill 21-Feb-13
MSCI World Index Dividents Reinvested Enhanced Passive Schroder Investment Management 5.00% 1.00% 1.00% 7-Oct-10
MSCI Australia Index Passive BCTL 1.00% 0.50% Nil 4-Jul-16
Total Equity 40.00%  
Atu asegura transparénsia, lei presiza Banku Sentrál atu entrega Relatóriu Trimestrál konaba dezempenu Fundu Petrolíferu ba Ministeriu Finansas, ho relatóriu sira ne'ebé públika iha loron 40 iha loron ikus trimestrál nian. Kopia sira husi relatóriu hotuhotu ne'e disponivel iha website ida ne'e. Relatóriu Anuál Fundu Petrolíferu konten deskrisaun kompletuliu tan konaba Fundus nia atividade sira no ninia deklarasaun finanseira ne'e Ministeriu Finansas mak públika mos disponivel iha Ministeriu Finansas no Banku Sentrál. Kestaun sira konaba BCTL nia knar iha jestaun Fundu Petrolíferu tenki asesa ba info@bancocentral.tl