Fotografia karateristika husi osan-besi

Fotografia karateristika husi osan-besi

teste carvalho@goweb.pt https://www.bancocentral.tl/uploads/seo/big_1436805856_8449_button_accept.png
Muzeu > Istória konabá Osan > Fotografia karateristika husi osan-besi

Fotografia karakteristika husi osan-tahan no osan-besi

Séria Celestino da Silva hahú iha 1959 no sai hanesan símbolu prinsipál ida tanba ida ne’e signifika fim husi pataca no inísiu husi eskudu . Séria ida hodi fò honra bá José Celestino da Silva, governadór militar português husi Timor entre 1894 no 1908, ne’ebé durante periodu ida neba eventualmente halo lakon reinu rebeldes barak. Osan tahan sira sirkula ho montante ne’ebé la normal husi $30 no $60, tanba pataca ida ekivalente ho eskudu 6, no osan tahan mós fo sai ho valór $100 no $500.

Implementa sira entre 1952-1962
   

D. Aleixo hahú 1886-1943 nia importánsia ida klaru ba istória, kultura no identidade iha Leste-Timorense iha periodu ida ne'e hanesan detalle sira ne ' ebé hatudu iha imajen ka estátua. Onra ba erói nasionál ida ne‟e aplika ba dahuluk akizisaun bankontes hatudu D.Aleixo Corte Real ne'e husi periodu 1967-1975.

Informasaun detalu;
[+INFO]

Implementa sira entre 1962-1975
   

(LIMAN LOS), Regulu D. Aleixo Corte Real ho ninia família
   

Timor-Leste nia Osan Besi sira

Mesmu ke moeda ofisiál maka dolar amerikanu (USD) no barak liu uza iha nasaun ida ne’e ba osan tahan no osan besi, guvernu no Banku Sentrál Timor-Leste nian (Autoridade Bankária no Pagamentu) desidi ona, ho argumentu oi-oin, emiti etálicas coin ne’ebé loron ba dala uluk halo sirkulasaun maka iha 10 Novembru 2003. Sira tenki, konsidera katak moeda amerikanu sira iha vantajen husi númeru sira inklui reprezenta ninia valór, iha hirarkia dimensaun proporsional substansial ida ho valór hanesan no ikus mai reprezenta valór kultural no ekonómiku Timorense nian.

Sorin komum husi osan besi inklui reprezentasaun, iha valór normal nia okos no oinsa hafutar osan besi ne’e ho kaibauk ida, ida husi simbolu poder tradisional balu nebe Timor-Oan sira uza. Simbolu seluk mak belak nebe mak disku metaliku ida reprezenta loro matan enkuantu kaibauk reprezenta fulan. Se mak iha poder ba simbolu rua ne’e iha mos poder ba moris no mate, poder representativu boot liu.

1 Centavo

       


  
Reprezenta nautilus ida, hodi bolu atensaun ba nesesidade hodi preserva natureza.

5 Centavos
 
       
  
Ida ne’e reprezenta háre kain ida, hahan principal husi populasaun Timorense nian. Iha foho, hahan lor-loron nian mak batar. Ida ne’e hanesan louvor ida ba maioria populasaun Timorense, ne’ebe ema fila-rai na’in tradisional, no mós nesesidade atu fo han populasaun no luta kontra kiak, inklui iha area rural.

10 Centavos
 
      
 

Ida ne’e reprezenta manu-aman futu nian ida no sai referénsia ba atividade enterteinamentu no vida sosiál husi Timor-Oan sira no honra ida ba sira ne’ebé luta ba libertasaun nasaun nian.

25 Centavos

       


Ida ne’e reprezenta portu ida, liu-liu “Raihenek Mutin”, Dili ne’ebé hodi halo foto ne’e. Ida ne’e hanesan honra ida ba peskador barak iha Timor-Leste.

50 Centavos


       


Ida ne’e referénsia ida ba nasaun ninia produtu principal ne’ebé faan ba railiur no kontribui mós ba habelar nasaun nia naran morin iha mundu tanba ninia kualidade ema hotu rekonhese. Ninia produsaun konsentradu iha parte loro-monu husi nasaun nian, liu-liu iha distritu Ermera, Aileu no Liquiça maibe mos iha Ainaro no Manufahi.

100 Centavos
            
  
D. Boaventura no Boaventura da Costa Sottomayor husi Manufahi iha 1887-1912, nia mak liurai husi reinu Manufahi ne’ebe lidera revolta ne’ebé hahú iha 24 Dezembru 1911 kontra administrasaun koloniál Timor Portugues iha 1911-1912, eventu ne’ebé koñesidu ho naran Funu Manufahi. Nia hetan kapturasaun no hamonu nia ba kastigu iha 26 Outubru 1912. Nia terus no sai vítima iha períodu maltratamentu husi liurai balu no militar portugues nian. Akizasaun ba dala uluk mak moeda ho centavo 100 Séria D. Boaventura no sirkula iha 2012 hodi selebra aniversariu ba dala 100 husi ezisténsia husi liurai heroiku Boaventura. Ida ne’e hodi selebra transformasaun husi Banku no Autoridade Pagamentu (BPA) ba Banku Sentrál Timor-Leste iha 2011.

Osan-besi Komemorativu
 
   


Destina ona atu selebra transformasaun hosi BPA ba Banku Sentrál Timor-Leste nian iha tinan 2011.


200 Centavos


         


Dezeñu ba Ninia fundu ne'e, “Foho Matebian”, foho daruak mak aas liu iha Timor-Leste. Foho Matebian nudar fatin abrigu ba kombatente rezisténsia Timor-Leste nian durante tinan-naruk Timor-Leste nia luta ba independénsia. “Karau timur” no “háre” ne’e parte hosi kultura povu Timor nian, reprezenta mós kona-ba importánsia agrikultura iha ekonomia nasionál. Moeda foun 200 Centavos Timor-Leste nian hahú sirkula husi loron 13 de-setembru 2017, ne’e nudar moeda ho valór fasial ne’ebé aas liu iha país.



Atualizadu, 23 Otubru de 2017