Konta poupansa– Ha’u Nia Futuru

Konta poupansa– Ha’u Nia Futuru

teste carvalho@goweb.pt https://www.bancocentral.tl/uploads/seo/big_1436805856_8449_button_accept.png
Hanorin Komunidade > Programa Edukasaun Finanseira > Konta poupansa– Ha’u Nia Futuru
Iha loron 28, fulan Agustu 2015, Banco Central Timor- Leste halo ona lansamento konabá konta labarik nian “Ha’u Nia Futuru” ho logo espesífiku hanesan kor osan mean simboliza Timor- Leste nia riku soin ne’ebé forte hodi dezenvolve ekonomia iha família.

Hó deseñu nebé hanesan iha Timor- Leste nia osan besi, sentavus.



Inan: sai hanesan guia ka profesór ba oan sira oinsá rai osan bá futuru.

Oan: sai hanesan ezemplu bá nia kolega sira hodi hatudu katak rai osan bá future ne’ediak.

Labarik (cap): maske sei ki’ik maibe iha méhi nebé bo’ot, ema hotu livre atu hetan asesu bá edukasaun, maibe importante liu atu to’o ihania méhi mak rai san.

Kofre: reprezenta ita nia kultura, simboliza banku ida bá labarik ida-idak ne’ebéhakarak rai osan husi ohin. Bá futuru bele sai parte ida husi ita nia kultura.

Timor- Leste nia mapa verde: nia koñesimentu oferese atu hodi serví nasaun ida ne’e. Kor verde hatudu katak koñesimentu ne’ebé sei kontinua husi jerasaun bá jerasaun. Letra mutin “Hau nia Futuru” simboliza hanesan ema moris ne’ebé la sés hosi sala. Mehi no esforsu sei akompaña hó orasaun hodi alkansa objektivu iha futuru.

Programa “Hau nia Futuru” iha objektivu ida atu enkoraja labarik sira hodi deskobre benefísiu hodi rai osan iha banku no haré rasik sira nia depózitu ne’e sai hanesan kontribuisaun ne’ebé klean no interese atu hasa’e liu tan balansu. Programa ne’e foka liu bá labarik Timor oan sira hotu ho tinan 17.

Benefísiu sira sei tau ba konta labarik nian no sei la halo kobransa hosi parte banku nian tanba selu impostu sei la aplika bá konta hanesan ne’e no sei hetan tan funan taxa merkadu ihaleten. Sei la autoriza halo levantamentu ou uza halo pagamentu hosi konta refere to’o konta na’in atinji tinan 17. 

Sei aplika termu no kondisaun bá rai osan iha banku hanesan iha bankukomersial hotu sira seluk. Bá informasaun klean liu tan, halo favor hakbesik an bá kada banku komersial iha Timor- Leste.