Formasaun Ba Empreza Mikro, Kiik no Mediu

Formasaun Ba Empreza Mikro, Kiik no Mediu

teste carvalho@goweb.pt https://www.bancocentral.tl/uploads/seo/big_1436805856_8449_button_accept.png
Hanorin Komunidade > Programa Edukasaun Finanseira > Edukasaun Finanseiru > Formasaun Ba Empreza Mikro, Kiik no Mediu
FORMASAUN DOKUMENTASAUN FINANSEIRU NO KONTABILIDADE BÁSIKU BA EMPREZA MIKRU, KI’IK NO MÉDIU

Banco Central de Timor-Leste (BCTL) serbisu hamutuk ho Instituto de Apoio ao Dezenvolvimento Empresarial (IADE) no Câmara de Comércio e Indústria de Timor-Leste (CCI-TL) organiza treinamentu kona-ba Dokumentasaun Finanseiru no Kontabilidade Básiku ba
Empreza Mikro, Kiik no Mediu (EMKM). Serbisu hamutuk ne’e basea ba Memorandu de-Entendementu asina iha fulan Marsu tinan 2018. Objetivu husi Memorandu de-Entendementu ne’e atu hasa’e kapasidade rekursu humanu hodi bele maneja empreza ninian atividade
negósiu ho efetivu no bele hasa’e rendimentu ’diak no suporta dezenvolvimentu nasionál. Tópiku ne’ebé hanorin ba EMKM kobre aspeitu sira hanesan tuir mai:
  • Saida mak hakerek iha livru komersiál,
  • Oinsá halo rejistu tranzasaun ho osan no fa’an ho kréditu,
  • Oinsá mak kontabilidade bele tulun atu jere no dezenvolve ita nia negósiu,
  • Kálkulu rezultadu negósiu, no análiza ita iha lukru no lakon. No mós prepara deklarasaun rendimentu (Income Statement),
  • Prepara relatóriu finanseiru Balansu (Balancesheet) no Cash Flow (Caixa Fluksu) no
  • Jestaun administrasaun no ikus maneja arkivu ninian.
Formasaun ne’e fasilita mós empreza sira ne’ebé atu hetan asesu ba kréditu hosi institusaun finanseiru, tanba relatóriu finanseiru nu’udar rekizitu ida waihira submete proposta ba kréditu.