Instituisaun

Instituisaun

teste carvalho@goweb.pt https://www.bancocentral.tl/uploads/seo/big_1436805856_8449_button_accept.png
Menu Side Left > Konaba BCTL > Instituisaun
Banku Sentrál mak nu'udar autoridade monetáriu nian iha Timor-Leste, no goza autonomia legál, operasionál, administrativa, no finanseira. Nia aspira ba padraun aasliu hotu konaba Estabilidade, Transparansia no Prosperiedade nian. Nia objetivu sira expresa tuir ninia deklarasaun misaun nian: “Sai nu'udar Banku Sentrál ida ne'ebé iha duni ekipa profesionál atu serbi hodi hadi'a nafatin kualidade servisu ba ita nia entidade-relevante sira hodi mantén instituisaun finanseiru ne'e nia sistema monetáriu sustentavel ida ne'ebé ho inflasaun ki'ik; hametin katak sistema selu nian ne'e efisiente no efetivu duni; habelar sistema instituisaun finanseiru nian ida ne'ebé seguru no kredivel; komunika ho di'ak no fornese informasaun; halo peskija no analize ekonómika nian; hodi dezenvolve kapasidade institusionál no teknika sira.


Istoria

Banku Sentrál Timor-Leste ne'e formalmente hari iha loron 13 Setembru 2011 ho lei nu 5/2011 tuir Artigu 43 husi Konstituisaun Nasionál. Molok ne'e, funsaun sentru bankáriu Timor-Leste nian ne'e hala'o husi organizasaun predesesora sira, Autoridade Bankária & Pagamentu Timor-Leste (2001 to'o 2011) no Gabinete Pagamentu Central (2000-2001), instituisaun rua ne'ebé UNTAET (United Nations Transitional Administration of East Timor) mak hari ne'ebé administra iha railaran tomak husi Otubru 1999 to'o Maiu 2002. Gabinete Pagamentu Central mak hala'o governu nia konta (CFET) no hala'o pagamentu governu nian, nu'udar responsavel ba autorizasaun no supervizaun banku nian, no halo operasaun iha Dili clearing house. Autoridade Bankária & Pagamentu aumenta tan funsaun hirak ne'e konaba autorizasaun no supervizaun ba seguru kompania sira nian, públikasaun monetáriu no Estatístika Bankária sira no informasaun ekonomia sira seluk, jestaun operasionál Fundu Petrolíferu nian, emisaun osan besi sentavus, no halo operasaun konaba Sistema Informasaun Rejistu Kréditu (Credit Registry Information System/CRIS) no Sistema transferénsia Valór Boot (Large Value Transfer System/LVTS).

Vizaun

BCTL nia vizaun mak “atu sai lider kredivel ida ba prezervasaun presu ne'ebé estavel hodi haburas dezenvolvimentu ekonomia nian iha Timor- Leste.”

Organizasaun (grafiku organizasaun)

Estrutura BCTL ne'e kompostu husi Departamentu ha'at: Departamentu Supervizaun ba Sistema Finanseiru, Departamentu Pagamentu, Departamentu Administrasaun no Departamentu ba Fundu Petrolíferu; Divizaun independente tolu: Kontabilidade no Orsamentu, Ekonomia no Estatístika sira, no Teknolojia Informatika; no Gabinete apoiu espesiálizadu rua:Gabinete Asuntu Legál no Gabinete Auditoriu Internál.


Osan

Dolar Amerikanu mak osan legál iha Timor-Leste. Denominasaun hotuhotu husi osan-tahan no osan-besi amerikanu nian mak sirkula iha railaran. BCTL halo emisaun ba osan-besi nasionál sira nu'udar sub-unidade sira husi dolar Amerikanu nian ho denominasaun husi sentavu 1, 5, 10, 25 no 50.

[+ INFO]


Valór Institusionál sira

Transparénsia
Nuúdar ezemplu diak ba sosiedade no ba instituisoens , atu banati tuir ami, tamba ami ninian prosedimentu no regulamentasaun tomak ne´e ami aplika interna no externamente tuir forma universál, konsistente, no rigoroza.

Integridade
Atividade hotu-hotu ami hala´o ho laran moos no halo tuir sasukat aas étika no moral nian, kaer metin ba konfidesialidade no legalidade iha desizaun hirak ne´ebe mak involve ami nina interese no rekursus.

Mobilizasaun
Ami mobiliza ami nia-an hodi bele serbi didiak ba komunidade Timor-Leste ninan, liuhosi ami nia determinasaun no empeñu atu see-tilun hodi rona, aprede no presta servisu asesoria nian. .

Obrigasaun
Ami demostra ami nia sentimentu-de-pertensa no envolvimentu, hodi hatuur-metin objetivu instituisaun nian mak nu´udarprioridade no komprova mós ami nian disponibilidade atu hala´o tarefa hirak-ne´ebe todan liufali ida- bé instituisaun fó mai ami hala´o.

Responsabilidade
Ami investe iha desenvolvimentu ba ami nia kapasidade tékniku profesionál tomak, ami haktuir kumprimetu ba ami nia responsabilidade hirak- ne´ebe mak atribui mai ami no proaktivamente ami rasik mós buka hatene didiak, liuhosi monitorizaun permanente ba konsekuénsia hotu-hotu ne´ebe mak ami rasik nia desizaun no asaun sei hamosu-ba.

[+ INFO]


Kódigu konduta nian

Ema hotu ne’ebé iha Relasaun Serbisu nian ho BCTL tenki respeita, nafatin, polítika hirak ne’ebé hakotu onaiha alínea hiraktuir mai ne’e:

[+ INFO]