Atividade Prinsipál sira

Atividade Prinsipál sira

teste carvalho@goweb.pt https://www.bancocentral.tl/uploads/seo/big_1436805856_8449_button_accept.png
Menu Side Left > Konaba BCTL > Atividade Prinsipál sira
Banku Sentrál Timor-Leste (BCTL) hala'o funsaun wa'in ne'ebé baibain tuir knar Banku Sentrál nian ida. Atividade prinsipál ida mak fornese meius pagamentu nian – Osan-tahan no osan-besi banku Estadus Unidus nian ne'ebé BCTL fo sai – liuhusi banku komersiál sira ba ekonomia.

Atividade importante ida seluk mak halo supervizaun ba atividade sira husi banku komersiál sira atu asegura estabilidade no konformidade legál ho sistema finanseiru nasionál nian no, jerálmente ba ekonomia, hodi halo tuir rejime inflasaun moderada nian.

Baze ba servisu sira husi instituisaun ne'e nian mak Departamentu Sistema Pagamentu no Departamentu Supervizaun ba Sistema Finanseiru, hamutuk ho unidade Teknolójia Informatika nian no Unidade Estudu Ekonómiku no Estatístika sira (públika Balansu Estatístika Pagamentu no Monetáriu nian sira). Unidade ida be ikus ne'e mak halo BCTL nia públikasasun tolu: folla faktu diáriu nian ne'ebé haktadak ho informasaun konaba taxa kambiu osan nian no konaba merkadu finanseiru sira no, kada trimestre públika (iha loron 15 iha fulan dahuluk husi kada trimestre nian) “Buletim Ekonomia”, ne'ebé haktadak informasaun konaba situasaun ekonómika sira no tópiku interesante sira seluk no konaba dezenvolvimentu ekonomia nasionál. 

Banku ne'e mos fornese levantamentu-osan (clearing) ba pagamentu inter-banku sira no, nu'udar bankeiru (responsavel ba banku sira) governu nian, hala'o servisu bankáriu sira ba governu no administrasaun públiku Timor-Leste nian. Atividade ida ne'e inklui jestaun ba nasaun ne'e nia finansas no rezerva externál sira.