Sistema Rejistu InformasaunKréditu - CRIS

Sistema Rejistu InformasaunKréditu - CRIS

teste carvalho@goweb.pt https://www.bancocentral.tl/uploads/seo/big_1436805856_8449_button_accept.png
Menu Side Left > Sistema Finanseiru > Sistema Rejistu InformasaunKréditu - CRIS
Iha loron 15 Maiu 2009, Banku Sentrál Timor-Leste (BCTL) fo sai Instrusaun Nu. 3/2009 konaba Estabelesimentu Sistema Informasaun Rejistu Kréditu (Credit Registry Information System - CRIS). Objetivu mak atu tulun instituisaun emprestimu sira halo liu tan avaliasaun risku kréditu nian ba prosesu halo desizaun ba emprestimu. Tuir instrusaun ida ne'e, BCTL iha responsabilidade atu jere sistema no Entidade Partisipante sira ne'ebé konsiste iha banku komersiál autorizadu no instituisaun emprestimu sira seluk ne'ebé BCTL autoriza.

Baze-dadus husi CRIS ne'e kontem informasaun individual negativu no pozitivu konaba kliente emprestimu nian bele ho karakter pesoa natural ka pesoa legál/entidade negósiu sira hanesan naran kompletu, detalle identifikasaun (numeru kartaun eleitoral ba pesoa natural no numeru TIN ba pesoa legál), estadu sivíl (pesoa natural), enderesu/hela-ratin, total kréditu ne'ebé aprova, loron reembolsu kréditu, emprestimu ne'ebé sei pendente hela (seidauk selu hotu), pagamentu mensal, klasifikasaun kréditu (padraun, divida anterior, taka ona), loron pagamentu ikusliu, no tipu kolaterál. Entidade Partisipante idaidak tenki asegura katak hetan duni ona Klauzula Konsentimentu eskrita husi kada Emprestador ka Emprestador potensiál molok hetan Dadus Kréditu konaba Emprestador ne'e ka entrega Dadus Kréditu konaba Emprestador ne'e ba CRIS.

Kartaun Eleitoral no TIN mak unika indentifikasaun ne'ebé Entidade Partisipante sira sei uza atu hetan asesu ba sistema ho baze online ne'e. Entidade Partisipante idadak sei husu atu entrega emprestimu foun no atualiza informasaun kréditu konaba reembolsu kréditu en jerál no mos rekonsiliasaun ida konaba dokumentasaun obrigasaun total kréditu ba iha CRIS. Dadus kréditu hotuhotu husi emprestador ne'e sei rai iha CRIS durante tinan lima nia laran konta husi loron repagamentu kompletu kréditu ne'e.