Atividade Tinan 2019

Atividade Tinan 2019

teste carvalho@goweb.pt https://www.bancocentral.tl/uploads/seo/big_1436805856_8449_button_accept.png
Hanorin Komunidade > Programa Edukasaun Finanseira > Loron Poupansa Nasional > Atividade Tinan 2019
Atividade Tinan 2019

Iha loron 26 to’o 27 Novembru 2019, Banco Central de Timor-Leste (BCTL) serbisu hamutuk ho Ministério da Educação, Juventude e Desporto (MEJD) Munisípiu Bobonaro realiza atividade kompetisaun poezia no diskursu hodi selebra Aniversáriu Loron Nasionál de- Poupança ba Dalima ne’ebé sei partisipa husi estudante Ensino Báziku 10 (sanulu) hanesan EBC Victor Santa, EBC Memo, EBF Holsa, EBF Odomau, EBC Pe. Manuel Luis, EBF Lahomea, EBF Oplagol, EBC Raifun, EBF Ritabou no EBF Babulo.
Objetivu hodi kompetisaun ida-ne’e, atu habelar informasaun ba estudante Ensino Báziku kona-ba benefísiu husi poupa osan agora liliu poupa osan iha konta “Hau-nia Futuru” ba futuru ne’ebé diak liu.
Ba loron 29 Novembru 2019 ne’ebé selebra nu’udar Aniversáriu Loron Nasionál de- Poupança, ekipa BCTL sei ba vizita eskola sira ne’ebe mak sai hanesan manan-nain ba kompentisaun poezia no diskursu hodi distribui prémiu ne’ebé mak sei transfere ba sira-nia konta “Hau-nia Futuru”.
Loron 26 fulan Novembro  tinan 2019 realiza  kompetisaun Puizia. Estudante mak tuir kompetisaun poesia hamutuk 20 no sai hanesan manan nain ema nain 4 hanesan Paula D.M da Cruz husi EBC Rai Fun, Mariza M. Guterres EBC Memo, Evangelino da Cruz EBF Babulo no Amrozio da Costa EBC Vitor Santa.Manan-nain ba primeiru lugar mak  husi eskola EBC Raifun, segundu lugar  husi  EBC Memo, terseiru lugar husi EBF Babulo no kuatru lugar mak husi EBC Vitor Santa. Atividade ne’e partisipa husi inan aman, profesor/a estudante, banku komersial no representante ministerio edukasaun munisipiu Bobonoro. Total partisipante hamutuk 200.

          

Loron 27 fulan Novembro tinan 2019 realiza kompetisaun Palestra. Atividade ne’e partisipa hosi estudante hamutuk 16 mai husi eskolah Ensino Básico Central Vitor Santa, Ensino Básico Central Rai Fun, Ensino Básico Catolica Padre Manuel Luis, Ensino Básico Filial Rita Bou, Ensino Básico Filial Lahomea, Ensino Básico Filial Odomau, Ensino Básico Filial Oplegul no Ensino Básico Filial Sao Miguel Holsa.

Kompetisaun ne’e resulta manan-nain 4 (haat) ba primeiru lugar alunus ho naran Cricencia Gomes husi eskola EBF Sao Miguel Holsa, segundu lugar  alunus ho naran Dalia De Jesus. 

          

Durante atividade kompetisaun loron rua iha postu administrative Maliana Banco comercio Nacional de Timor-Leste (BNCTL) no Banco nacional Ultramarinu (BNU) ativu suporta no partisipa ho maneira fahe premiu hanesan koferinu tau osan no fo montante osan ba manan nain. BNCTL kria jogu kompetisaun tata kanuru lori berlindus no manan nain hetan premiu ba loke konta bankaria iha BNCTL no sira sei aumenta montante osan ba konta manan nain ninian.

           


BNU iha okaziaun ne’e kontribui ativamente sira nian koferinu tau osan ba labarik sira ne’ebé hetan liu hosi kuis ne’ebé estudante sira bele responde ho lolos.   Foto hamutuk iha sorin deskrebe pasta nebe ense ho koferinu tau osan ne’ebé estudante sira hetan depois bele responde pergunta hosi ekipa organizadóra.