Orgaun Asesoria Investimentu

Orgaun Asesoria Investimentu

teste carvalho@goweb.pt https://www.bancocentral.tl/uploads/seo/big_1436805856_8449_button_accept.png
Menu Side Left > Fundu Mina-rai > Orgaun Asesoria Investimentu > Orgaun Asesoria Investimentu

Konaba Orgaun Asesoria Investimentu

Orgaun Asesoria Investimentu (Investment Advisory Board/IAB) ne'e hari ho Artigu 16 Lei Fundu Petrolíferu. Responsabilidade IAB sira mak:
  • Prepara asesor sira ba Ministru nune'e bele avalia hahalok no lukru investimentu ne'ebé hetan husi Fundu Petrolíferu ne'e, no mos adekuasaun risku sira.
  • Fo konsellu ba Minstru konaba instrusaun investimentu sira atu fo ba jestór investimentu Fundu Petrolíferu sira.
  • Fo konsellu ba Ministru konaba preokupasaun sira konaba avaliasaun dezempenu husi jestór investimentu externál sira no halo rekomendasaun sira relasiona ho aprovasaun ka terminasaun husi sira nia kontratu servisu;
  • Fo konsellu ba Ministru konaba nesesidade ba mudansa konaba polítika investimentu ka mudansa iha jestaun Fundu Petrolíferu ne'e.

Nu'udar jestór operasionál, Banku Sentrál Timor-Leste fornese sekretariadu ida ba Orgaun Asesoria Investimentu no Ministru Finansas fornese reprezentante ba sekretariadu ida ne'e. Wainhira IAB fo konsellu ruma konaba polítika investimentu ka jestaun fundu petrolíferu, tenki konsidera konsellu ne'e:
  • Objetivu jerál husi Fundu Petrolíferu ne'e, konsiste iha reseita sira ne'ebé hetan husi explorasaun rekursus irrenovavel petrolíferu, atu fo benefísiu ba jerasaun orasne'e no abanbainrua nian;
  • Kondisaun, oportunidade no difikuldade orasne'e nian iha merkadu investimentu sira no difikuldade sira ne'ebé ajensia relevante sira ne'ebé hala'o servisu iha Timor-Leste ne'e hasoru;
  • Nesesidade atu hametin adekuasaun rekursus likidu atu posibilita transferénsia osan ba Orsamentu Estadu wainhira presiza.

Ministru tenki buka konsellu husi IAB atu halo kualker desizaun ruma konaba stratejia investimentu exeptu se tempu la to'o atu fo desizaun urjente. Nune'e, Ministru tenki relata kedas desizaun ne'e ba IAB no tenki re-avalia desizaun tuir konsellu ne'ebé IAB fo.

Fiar & Prinsipiu IAB nian

IAB adoptaona fiar no prinsipiu sira atu guia nia rekomendasaun sira no informa oinsa ninia konsellu ne'e hato'o atu mantén objetivu sira husi Fundus ne'e. Orgaun halo ona hirak ne'e iha Deklarasaun Fiar no Prinsipiu Investimentu sira.

Fiar no prinsipiu sira ne'e utiliza atu guia Orgaun ne'e wainhira dezenvolve konselleiru dezempenu ministru konaba lukru ne'ebé hakarak husi investimentu Fundu Petrolíferu ne'e ho risku apropriadu.

Regulamentu Operasionál IAB

Orgaun Asesoria Investimentu nia atividade sira ne'e la'o tuir regra prosedura Orgaun nian. Favor klik iha ne'e ba IAB nia Regra Prosedura.

Membru IAB

Orgaun Asesoria Investimentu kompostu husi membru na'in 5 hili husi Primeiru Ministru tuir konsellu husi Ministru Finansas,pelu menus na'in 3 ne'ebé iha experiensia signifikante iha jestaun investimentu. Diretor Tesouraria no reprezentanteida husi jestór operasionál ne'ebé partisipa iha enkontru IAB nian sem direitu votu nian.

Membru IAB atual sira mak sr. Olgario de Castro (Xefe), sr. Gualdino da Silva, Prezidente Autoridade Nasionál Petroliu no Minerál; sr. Michael Drew no Sra. Torres Trovik. Membru sem votu sira mak sr. Ernesto da Conceicao Silva, reprezentante Diretor Tesouraria no sr. Venancio Alves Maria, reprezenta Banku Sentrál.