Konaba Konsellu Konsultivu Investimentu (KKI)
Konsellu Konsultivu ba Investimentu (KKI) estabelese iha Artigu 16 husi Lei Fundu Petrolíferu. Responsabilidade sira husi KKI maka:
- Prepara referénsia sira ba Ministru atu avalia hahalok no retornu investimentu sira ne’ebé halo husi Fundu Petrolíferu, no mós adekuasaun risku sira.
- Fó konsellu ba Ministru Konaba instrusaun investimentu ne’ebé atu fó ba jestór investimentu Fundu Petrolíferu sira.
- Fó konsellu ba Ministru Konaba avaliasaun dezempeñu husi jestór investimentu esternu sira no halo rekomendasaun sira Konaba kontinuasaun ka terminasaun husi sira ida-idak nia kontratu.
- Fó konsellu ba Ministru Konaba nesesidade ba mudansa iha polítika investimentu ka jestaun Fundu Petrolíferu.
Hanesan jestór operasionál, Banku Sentrál Timor-Leste fornese sekretariadu ba Konsellu Konsultivu ba Investimentu, no Ministeriu Finansas fornese reprezentante ida ba sekretariadu. Wainhira KKI fó konsellu ruma Konaba polítika investimentu ka jestaun fundu petrolíferu, tenke konsidera:
- Objetivu jerál Fundu Petrolíferu nian, ne’ebé kompostu husi reseita ne’ebé hetan husi esplorasaun rekursu petrolíferu ne’ebé la renovavel, hodi fó benefísiu ba jerasaun atuál no futuru.
- Kondisaun atuál, oportunidade no limitasaun iha merkadu investimentu no limitasaun ne’ebé ajénsia relevante sira iha Timor-Leste hala’o operasaun.
- Nesesidade atu garante adekuasaun ba ativu líkidu sira hodi permite transferénsia sira ba Orsamentu Estadu nian wainhira presiza.
Ministru tenke husu konsellu husi KKI molok foti desizaun ruma Konaba estratéjia investimentu nian, Ministro bele halo desizaun lalais wainhira tempu la sufisiente tanba desizaun ne'e urjénsia. Hafoin ida-ne'e, Ministru sei relata kedas desizaun ne'e ba IAB no sei ezamina filafali desizaun ne'e hodi konsidera konsellu ruma tuirmai ne'ebé sei fornese husi KKI.
KKI nia Fiar no Prinsípiu sira Investimentu nian
KKI adota ona fiar no prinsípiu sira investimentu nian hodi guia ninia rekomendasaun sira, no informa oinsá atu fó konsellu hodi mantein objetivu sira Fundu nian. Konsellu tau hamutuk ona sira-ne'e iha Deklarasaun ida Konaba Fiar no Prinsípiu sira Investimentu nian.
Fiar no prinsípiu sira uza hodi orienta Konsellu wainhira dezenvolve ba ministru referénsia dezempeñu nian Konaba retornu ne'ebé hakarak husi investimentu sira Fundu Petrolíferu nian ho risku ne'ebé apropriadu.
IAB nia Regulamentu Operasionál sira
Konsellu Konsultivu Investimentu nia atividade sira haktuir husi Konsellu nia regra no prosedimentu sira. Favor klik iha ne'e ba KKI nia Regra Prosedimentu nian.
Konsellu Konsultivu Investimentu nia atividade sira haktuir husi Konsellu nia regra no prosedimentu sira. Favor klik iha ne'e ba KKI nia Regra Prosedimentu nian.
Membru KKI sira
Konsellu Konsultivu Investimentu kompostu husi membru na'in 5 ka liu ne'ebé nomeia husi Primeiru-Ministru tuir konsellu husi Ministeriu Finansas, pelumenus na'in 3 husi sira ne'e iha esperiénsia signifikativu iha jestaun investimentu nian. Diretór Tezouru no reprezentante ida husi jestór operasionál partisipa iha enkontru sira KKI nian lahó direitu votu.
Membru atuál sira husi KKI maka:
-
Oligario de Castro (Prezidente)
-
Torres Trovik (Membru Votante)
-
Michael Drew (Membru Votante)
-
Gualdino da Silva (Membru Votante)
-
Filipe Nery Bernardo (Membru laiha votu)
-
Tobias Ferreira (Membru laiha votu)
