dahituk

dahituk

teste carvalho@goweb.pt https://www.bancocentral.tl/uploads/seo/big_1436805856_8449_button_accept.png
Hanorin Komunidade > Financial Education Program > National Saving Day > dahituk
Selebrasaun Loron Nasional ba Poupansa Dahituk
Iha tinan 2021,  Banco Central de Timor-Leste (BCTL) kontinua selebra loron Nasional ba Poupansa ba dala hitu iha postu administrativu Maubisse, Munisipiu Ainaro.
 
Atividade Edukativu Literasia Finanseira no Literasia Servisu Pagamentu Dijital
Antes to’o ba loron 29 Novembru nu’udar loron Poupansa Nasionál,  BCTL organiza uluk pre-atividade edukativu iha eskola ensinu baziku, no ensinu sekundariu vocasional mak simu ekipa Banku Sentral hodi dezamina importansia literasia finanseira ba estudante no profesor sira.
BCTL iha okasiaun ne’e hala’o atividade edukasaun finanseira ho maneira ba desamina informasaun kona ba Literasia Finanseira no servisu Pagamentu Dijitál  ho objetivu  prinsipál mak hasa’e koñesementu  estudante sira oinsá atu prepara sira nia ann ba futuru liu husi fornese informasaun hanesan koñese ita nia moeda inklui maneira identifika osan falsu, identifika no diferensia saida mak tama iha kategoria nesesidade no hakarak, oinsa gastu no poupa, informasaun kona-ba benefisiu konta Ha’u-nia Futuru, no ikus liu informasaun kona-ba sistema  pagamentu dijitál.
Tabela tuir-mai deskreve númeru estudante mak tuir ona programa Literasia Finanseiru Dijitál iha eskola ensinu baziku 5 (lima) no Escola Vocasional Agricola Maubisse.


Tabela: eskola hirak ne’ebe Banco Central de Timor-Leste realiza programa literasia finanseira dijital durante fulan Outubru 2021.

Durante atividade vizita eskola, totál estudante sira mak benefisia ba programa ne’e hamutuk estudante 447, kompostu husi mane 207 no feto 240.

Hafoin BCTL konklui atividade vizita eskola, tuir atividade kompetisaun sertame ba eskola ensinu baziku lima ne’ebe  simu ona informasaun Literasia Finanseira no Sistema Pagamentu Dijitál husi ekipa BCTL.  Atividade kompetisaun sertame ne’e hetan suporta másimu husi parseiru Institutu Superior Cristal (ISC) ne’ebé nia knar hodi prepara mekanizmu lalaok kompetisaun sertame, defini regulamentu kompetisaun sertame no suporta dezenvolve perguntas mak relevante.

Foto: ensinu Baziku segundu siklu lima lokaliza iha Maubisse, mak kompete iha atividade sertame ka kuiz kona-ba materia literasia finanseira no sistema pagamentu dijital iha Timor-Leste.

Atividade kompetisaun sertame hala’o iha loron 16 Novembru 2021 no eskola ensinu báziku lima ne’ebé mak involve iha programa Literasi Finanseira no Sistema Pagamentu Dijitál kompete iha kompetisaun sertame.

Entertantu, rezultadu husi kompetisaun certame nian mak hanesan tuir mai ne’e:

  • Manan nain dahuluk EBC Aituto ho total valór sertame: 1,300,  manan-nain sira simu prémiu osan total $300
  • Manan nain daruak EBC Fleixa ho total valór sertame: 1,250, manan-nain sira simu prémiu osan total $250
  • Manan nain datolu EBC Rita ho total valór sertame: 900, manan-nain sira simu prémiu osan total $200
  • Manan nain dahaat EBC Riamori ho total valór sertame: 850, manan-nain sira simu prémiu osan total $150
  • Manan nain dalima EBC Beremoli ho total valór sertame: 325, manan-nain sira simu prémiu osan total $100

BCTL atribui prémiu refere liuhusi transfere ba konta Hau-nia Futuru Manan-nain.

Seremónia Aniversariu da-Hituk Dia Nasionál de-Poupansa no Selebrasaun Dahuluk Kampu Dijitál 

Iha tinan 2021, BCTL organiza selebrasaun loron Poupansa Nasional iha Salaun Paroki Maubisse, Posto Administrativu Maubisse, Munísipiu Ainaro.

Partisipa iha Selebrasaun  ne’e maka    Adjunta Administradóra Munisipiu Ainaro, reprezentante Edukasaun Munisipiu, Administradór Postu Administrativu Maubisse,  Xefe Ezekutivu  Banku Komersiál sira,  xefe suco,  Diretór Eskola, profesór/a sira  no  estudante ne’ebé ne’ebé mak involve iha programa Literasi Finanseira no Sistema Pagamentu Dijitál no ninian profesores, ,  estudante universitariu  Universidade Nasional Timor-Leste (UNTL) no Universidade Dili (UNDIL).

Iha tempu intervensaun Vise Governadóra Banku Sentrál  iha ninia diskursu hateten katak molok tama Iha selebrasaun  ne’e Banco Central de Timor-Leste hala’o programa sensibilizasaun programa literasia finanseira no pagamentu dijitál ba eskola ensinu báziku sira iha Postu Maubisse inklui  Escola Vocasional Agricula Horai ki’ik no hala’o mós programa pre-atividade edukativu  kompetisaun sertame. Salienta mós katak Programa Kampu Dijitál nu’udar Programa Nasionál ida ne’ebé Banku Sentrál inisia hodi promove utilizasaun servisu finanseira dijitál iha Timór-Leste. Programa ida-ne’e mós ninia objetivu atu estende iha médiu-longu-prazu ho pontu de-asesu ba servisu finanseiru ida mak integradu no interligadu ne’ebé sei kobre área rurál sira.

Foto: Vise Governadora Sra. Nur Aini Alkatiri, iha eventu selebrasaun loron poupansa da-hituk iha maubisse, Ainaro.

Momentu importante ida seluk mak Banco Central de Timor-Leste ho Sekretariu Estadu Kooperativa asina Nota de-Entendementu hodi lori programa Literasia Finanseira ba membru koperativa sira. Hafoin asina nota refere ajenda tuir kedas mak atribuisaun prémiu ba manan nain kompetisaun sertame programa literasia finanseira dijital, atribui sertifikadu ba manan nain sertame no sertifikadu apresisaun ba eskola sira ne’ebe kolabora ona programa literasia finanseira dijitál.

Foto: Asina nota entedementu programa literasia finanseira entre Banco Central de Timor-Leste Sra. Nur Aini Alkatiri, ho Secretario   de  Estado   de  Cooperativas    da  Republica   Democratica   de Timor-Leste Sr. Elizario Ferreira MM.

Seremonia ne’e hetan partsipaun maximu husi konvidadus hotu no hetan susesu iha implementasaun.

Foto: altu nivel husi Banku sentral, sekreraiu estadu koparativa no autoridade lokal foto hamutuk ho estudante manan nain sertame programa literasia finanseira.

 

Susesu programa iha Maubisse sai nu’udar programa sira tuir mai iha ambitu selebrasaun loron poupansa nian ho objektivu mak hakbesik ba estudante hahuu ensinu baziku ba to’o ensinu sekundariu.

 

Remata.